Hörmətli istifadəçilər,

Layihələri qiymətləndirərkən aşağıdakı qaydalara riayət etməyiniz xahiş olunur:

Vətəndaş hər bir layihəyə yalnız 1 səs verə bilər. Bir layihə üzrə toplanmış 3 səs 1 bal əmsalında qiymətləndirilir.

Azərbaycan Respublikasının qanunvericiliyinə, dövlət atributlarına, milli və mənəvi dəyərlərə qarşı yönələn çağırış və fikri özündə ehtiva edən, QHT və onun nümayəndələrinin işgüzar nüfuzuna xələl gətirən, etikadan kənar ifadələrin əksini tapdığı rəylər qəbul olunmur.

Əsaslandırılmayan, həmçinin layihənin mahiyyətinə uyğun olmayan rəy və onun əsasında verilən səs qeydiyyata alınmır. Bundan başqa, süni üstünlük (bir neçə şəxsin bir layihəyə eyni məzmunlu rəy verməsi, yaxud bir şəxsin birdən artıq layihəyə eyni məzmunlu rəy verməsi) əldə etmək məqsədilə maraqlı tərəflərin təsiri nəticəsində layihəyə verilən rəy və səslər də qəbul olunmur.

Qeydiyyat məlumatlarını tam doldurmayan və uyğunsuzluğa yol verən istifadəçinin qeydiyyatı ləğv olunur.

Müraciət edən şəxsin fərdi məlumatları “Fərdi məlumatlar haqqında” Azərbaycan Respublikasının Qanununa uyğun olaraq işlənilir və mühafizə olunur.